Age	Leeftied; es d'r unne leeftied op ut etikèt steit - 12-year-old - daan moot dat de leeftied zien vaan de jongste whiskie in de blend.
Ageing	Ut riepe vaan d'n draank véúr ut flesse, es de whiskie nog in de vate zit. Ouch wel “maturation” genump.
Alcohol by volume	De alkohol es percentaasj vaan de gansen inhaajd.
Angels's share	Es d'n draank in de vate ligk te riepe, daan verdamp e deil. Dit deil is veur eder stokerijj versjèllend, mer de doewaan en de belasting liet gemiddeld un verdamping tow vaan 2% vaan eder vaat. Dit verluus hèt “Angels’ Share.”
Barley	Barley is ut Ingelse woord veur geers. Dit graon is ut basisingredijent vaan whiskie oet Sjotland. E paar soorte zien: Derkado, Prisma,Puffin,Chariot
Barrel	E vaat.
Blend	Mingsel vaan graonwhiskie mèt malt whiskie (of bourbon of rye, aofhaankelik vaan ut land vaan orizjien). Waarsjijnlik aofkomstig vaan ut Noorse woord “blanda” dat minge beteikend.
Body	Ut geveul in de moond vaan unne whiskie.
Bond	In antrepo opsloon. Totdat aksijns is betaold, moot whiskie in un “bondend” magazijjn blieve.
Blended whisky	whiskie samengestèld oet single malts en graon whiskie's.
Bourbon	Veur d'n ierste kier gemaak door unne Amerikaanse paoter in 1789. Deze klassieke Amerikaanse whiskey weurd vaan teminste 51% maïs gemaak, en gestook tot e maksimum vaan 80% abv, en weurd in verkaolde nuij eikehoute vate gedoon op un sterrekde vaan neet mie es 62,5% abv.
Cask strength	De sterrekde vaan de whiskie es heer nao ut riepe oet ut vaat kump. Dit is dus ónverdunde whiskie, normaal weurd whiskie verdund tot e percentaasj vaan 40% of 43%.
Charring	Verkaole. ut veurdeil vaan ut verkaole vaan de binnekante vaan de vate veur ut vulle mèt draank woord óntdèk in Kentucky. Dat verkaolde hout haolt óngewinsde stoffe oet d'n draank zoewie zwavel. Dèks gebruukde vate kinne obbenuijts verkaold weure.
Chill filtration	E perses veur ut iers gebruuk in de jaore 1960, dat deveur zörreg tot whiskie klaor blijjf este water of ies debijj deis. whiskie dee neet ge-chill-filterd is heet de neiging um troebel te weure es water debijj kump. Dit perses vind plaots tijdens ut flesse, es de whiskie tot roond ut vreespunt weurd gebrach, boedoor de vètte ester verbindinge – die ut vertroebelen veroorzake – consolidere. Daan weurd de whiskie door unne fìlter gedoon, dee ut vaste matriaol opvingk.
Coffey still	Unne kontinu wèrrekende stookketel, vernump naor d'n oetvinder Aeneas Coffey, aajd Inspector General vaan de Ierse doewaan, dee zien oetvinding pattenteerde in 1830. Weurd ouch wel de Patent still genump.
Condenser	Hijj weurd d'n draank door gehaold um aof te keule nao tot h'r oet de ketel kump. Vreuger gebäörde dat in groete houte bek (wormtub).
Cut	Ut middelste deil van ut dèstillaat dat oet de spirit still kump, dit is ut bèste deil vaan ut dèstillaat, de foreshots (ierste deil) en de feints (lèste deil) weure obbenuijts gestook.
Demisting point	Ut punt es ut dèstillaat dat oet de spirit still kump neet mie troebel weurd es water is towgevoog. Daan begint de cut.
Doublings	Ut dèstillaat gemaak door un 2e dèstillatie, ouch wel high wines genump.
Draff	Ut graon dat achterblijjf in ut beslaagvaat, es de sókker vaan de gemoute geers is ónttrokke.
Dram	E good gevöld glaas malt whiskie.
Drum maltings	De groete trommels, die de graonkorrels mechanisch umdreijje tijdens ut moutperses.
Feints	Ouch wel tails of after shots, ut lèste deil vaan ut dèstillaat. Dit heet e lieg persentaasj alkohol en un hoeg persentaasj óngewinsde sjemise verbindinge. De feints weure obbenuijts gestook,
Gallon	Inhajdsmaot, 1 gallon is 4,546 liter.
Grain whisky	whiskie vaan aander graone daan gemoute geers.
Grist	De rowwe meelechtige gemaole gemoute geers, wat ut beslaag weurd zoegaw d'r water bijj gedoon weurd.
Hogshead	E houte vaat, miestal gemaak vaan Amerikaans eikehout, dat dees daog unne inhaajd heet vaan 250 liter.
Kiln	Kamergroete ruimte boe de gemoute geers gedruug weurd. Rouk vaan törref of kolevuur kump door de vloer naor bove. Dees ruimtes höbbe un pagodevörmig daak boedoor de rouk weg kin.
Kilning	Ut branne. Ut druugperses dat de kemende geers deit stoppe mèt greuje, zoetot ut zètmeel neet weurd opgebruuk.
Low wines	Lètterlik “lieg wijne”. De heldere draank oet de ierste dèstillatie in de wash-still. “Low” steit veur ut liege alkoholgehalte (21%).
Lyne arm	Dit löp vaan de kop vaan de ketel door tot aon de condensator.
Malt	Mout, eder soort graon dat tot keme is gebrach en denao is gedruug um de greuj stop te zètte. Alle zètmeel is umgezat in sókker.
Malt whisky	whiskie allein mer gemaak vaan gemoute geers door dobbel dèstillasie in unne stookkketel. H'r heet deepte en un ganse sortering vaan smaak, aroma en kompleksiteit boe geine graonwhiskie tegenop kin. Zoonder oetzundering zien dees whiskies allemaol versjèllend in dittaj aofhaangende vaan de stokerijj boe ze vendan koume. Ze kinne wel op algemein eigensjappe gegroepeerd weure.
Malting	Moute; ut beheerse vaan ut keme vaan eder soort graon.
Maltings	Ut gebouw boe-in ut moutperses plaots heet.
Mash	Beslaag; ut pap-echtige mingsel vaan grit en werrem water.
Mash tun	Beslaagvaat; vaan orizjien gemaak vaan iezer of koper, mer noe miestal vaan rosvrijj staol. Dees groete tonne kinne tot 8.000 gallons grist mèt werrem water bevatte. De wort weurd weggehaold door de geperforeerde bojem, en reurders zörrege veur um maximaal sókker extraksie.
Mashing	Beslaon; ut ónttrekke vaan gisbaar sókkers, door de grist te weike in werrem water.
Marrying	Bewaore vaan gemingde whiskie in groete vate nao ut blende mer veur ut flesse.
Middle cut	Middelste deil; kiek bijj cutting
New-make spirit	Dèstillaat dat nog neet riep is, in Sjotland maag ut pas whiskie heite nao 3 jaor rieping.
Nose	Ut aroma en ut boeket vaan de whiskie.
Octave	E klein vaat mèt unne inhaajd vaan 68 liter (un haaf “Hogshead”).
Palate	Wats de preufs bijj ut besjrieve vaan unne whiskie.
Peat	Peat is ut Ingelse woord veur törref. Samegepeers, verrot plantemateriaol óntboonde door water. Weurd gesnoje en daan gebruuk es brandstof. Ut weurd in d'n ove gebruuk tijdens ut moute vaan de geers, en de törrefrouk verandert en versterrek de smaak vaan de whiskie. Ut water dat in sommige whiskie’s weurd gebruuk is ouch versterrek, umtot ut euver of door de törref heet geloupe.
Peated malt	Unne malt dee gedeiltelik gedruug is door e door törref gestook vuur.
Phenols	Carbolzuur of fenol. Unnen typische karaktertrek vaan Sjotse whiskie’s is de törrefechtige smaak, aofkomstig vaan sjemikalieje die fenolen heite, die vaan nature veurkoume in ut branperses.
Pot still	In pot still dèstillatie weurd de vloeistof miestal 2 kier gedèstilleerd, soms 3 kier. Iers in de wash still en denao in de spirit still.
Premium blended whisky	Unne blend whiskie mer daan minstes 12 jaor aajd.
Proof	Op sommige flesse steit i.p.v. un alkohol percentaasj un bev. 105 proof. Deil ut getal proof door 1,75 en de oetkoms is daan ut alkohol percentaasj.
Quaich	Un Keltische kellek mèt twie oere, gebruuk bijj plechtighede. Vreuger gemaak vaan hout, noe miestal vaan zèllever.
Receiver	Opvaanger; dit zien groete vate die feints, low wines, draank of wort opvaange es ze klaor zijn.
Run	Ut dèstillaat dat oet de ketel kump.
Rye	Ouch wel Amerikaanse mer veural Canadese whiskey, veur minstens 51% gemaak vaan rogge.
Rye whiskey	Rye whiskey weurd vaan teminste 51% rogge gemaak. Terwijl Bourbon verwijs naor de streek vaan produksie, weurd rye whiskey euveral in de USA en Canada gemaak.
Saladin box	Un lang kis, gemaak vaan metaol of beton, boe-in geers mechanisch weurd umgedreijd tijdens ut keme. Oetgevoonde door unne Franse inzjenjeur genaomd Charles Saladin
Shiel	Houte peddels in de vörrem vaan un sjöp um de geers um te goeje op de moutvloer.
Single barrel whisky	whiskie dee gemaak is door 1 dèstilleerderij en oet 1 inkel vaat kump.
Single malt	whiskie gemaak in 1 dèstilleerderij en allein vaan geers.
Slainte	Sjots veur "gezoondheid" es whiskie gedroonke weurd.
Spirit	D'n draank.
Spirit safe	Un kas mèt unne glaze veurkant boe d'n draank (spirit) door löp es h'r oet de still kump. De kas weurd tow gehawwe door de Customs & Excise (doewaan en belasting), zoetot niemes d'raon kin (maag neet veur de belasting), mer de stillman kin wel nog de dèstillatie kontrolere door ut vinster. Eigelik is ut un vaan glaas gemaakde buis boe ut dèstillaat door löp es ut oet de ketel kump.
Spirit still	De 2e en soms ouch 3e dèstillatieketel in het perses vaan pot still dèstillatie.
Steep	Vaat veur ut weike vaan de geers, veurtot h'r moot giste en moute.
Still	Stookketel; e stök produksiemateriaol dat de twie belangriekste persesse vaan dèstilleren meugelik maak, naomelik: 1) hitte towdene um damp te producere 2) kondensasie vaan d'n damp.
Switcher	Lètterlik “dreijer”. Un mekaniek bestaonde oet dreijende errem, vasgemaak aon e beslaagvaat. Vermindert de effekte vaan te väöl sjuime tijdens ut giste.
Tails	Kiek bijj feints.
Top dressings	Unne malt vaan hoeg kwaliteit dee gebruuk weurd um unne blend extra deepte en karakter te geve.
Uisge beatha	Gaelic veur "water of life" oftewel "leveswater". "Uisge" zow later verbasterd weure tot "whiskie".
Vatting	Ut minge vaan malt en of graon whiskie's vaan versjèllende dèstilleerderije.
Vatted malt	Malt whiskie gemingk vaan versjèllende dèstilleerderije. In vatted malts zit geine graonwhiskie.
Wash	De vloeistof die euverblijjf bijj ut gisperses. Dees vloeistof besteit oet desem en alkohol. De vloeistof die gedèstilleerd weurd um whiskie vaan te make.
Wash back	Gisvaat; eigelik vaan hout gemaak, mer noe ouch vaan rosvrij staol; dit zien de vate boe-in de wort gegis weurd um beslaag te producere.
Wash still	In de pot still dèstillatie is dit de ierste ketel. Ut produseert de low wines.
Worm	Kondensator; kondensasie vind plaots es de alkoholdampe door dees spiraalvörremige kopere buijs passere. De worm weurd konstant kaajt gehawwe um dit perses meugelik te make. D'r zien nog mer 8 dèstilleerderije die unne wormtub gebruke (boe-ónder 5 vaan de 6 Classic Malts)
Wort	De vloeistof die oet ut beslaagvaat weurd aofgegote en daonao gegis heet hèt wort, en is riek aon gisbaar sókkers.